Pepeling Diri

Ieu teh grup anu mulya
Eusina para ulama
Tuturkeuneun sarerea
Dina ucap jeung lampahna

Ulama gede kasieun
Alloh dinomer hijikeun
Dimusuhan jalma kajeun
Inget Akherat sampeureun

Ulah jadi ulama suu'
Henteu mangfaatkeun elmu
Kabengbat ku harta rayu
Poho akherat dituju

Ulama warisan Nabi
Diwaris elmu pangarti
Dakwah ulah rek gumaki
Tong ngarepkeun balas budi

Najan elmu ngan saeutik
Ulama pada ngabidik
Kahade urang sing apik
Tong jadi mangsa politik

Mun beda organisasi
Ulah matak jadi gengsi
Mun leres mah urang tampi
Mun lepat urang diskusi

Umat-umat pek giringkeun
Ka masjid urang abringkeun
Pamarentah sok geuingkeun
Mun salah ulah cicingeun

Najan pait resikona
Kajeun balangsak di dunya
Tapi urang bakal mulya
Di payuneun Alloh jaga

Ulama panutan umat
Omat ulah rek khianat
Ngajual hadis jeung ayat
Demi mertahankeun pangkat

Hapunten para kiyai
Ieu pepeling keur abdi
Diposting dina grup MUI
Sangkan abdi mawas diri..