Milangkala ka tilu welas

Desa Sukamukti anu dipikadeudeuh
Gumelar hirup nikreuh ngeureuyeuh
Najan lembur anggang ti puseur dayeuh
Tapi tengtrem jauh tina kariweuh

Lelengkah halu di tuyun ku para kuwu
Diajar lumpat dijajap ku para aparat
Diwuwuh ku dawuh para sesepuh
Dijajap doa ku sadaya para ulama

Ayeuna nincak umur katilu welas
Estu matak waas tur kagagas
Ras emut kanu tos ngantun
Papayung agung anu tipayun

Pa Kasiman, anu bageur tur jalmi heman
Pa Haji Maman, sepuh ageung perhatosan
Pa Haji Yosep, anu pinter rarayna kasep
Ayeuna Pa Budi, anu Soleh tur bear budi

Sukamukti desa nu mekar
Tambih mukti tambah hegar
Jeung batur sajajar tur kawentar
desa maju ti banjar dugika jabar

Detik ieu mangsa milangkala
Rahayat ngumpul manjatkeun doa
Mugi amal ditampi Alloh Taala
Janten tiket lawang sawarga